شمالي وزیرستان کې د پاکستاني پوځ موټر باندې حمله شوې ده 

شمالي وزیرستان کې د پاکستاني پوځ موټر باندې حمله شوې ده 

د خیبر پښتونخوا شمالي وزیرستان ډیورند کرښې ته څېرمه د پاکستان پوځ د ګزمې په موټر باندې چاودنه شوې، چې څلورو پاکستاني پولیسوته پکې مرګ ژوبله اوښتې ده.

(2021 / 10 / 6 نېټه باغي ټلویزیون)

د خیبر پښتونخوا شمالي وزیرستان ډیورند کرښې ته څېرمه د پاکستان پوځ د ګزمې په موټر باندې چاودنه شوې، چې څلورو پاکستاني پولیسوته پکې مرګ ژوبله اوښتې ده.

د پاکستان پوځ له لوري په خپره شوې اعلامیه کې راغلي چې دغه چاودنه د پاکستاني ځواکونو په موټر هغه مهال ترسره شوې چې د دوی موټر شمالۍ وزیرستان کې د ګزمې په حال کې ؤ.

دغې اعلامیه کې راغلي چې یادې چاودنه کې د پاکستان پوځ څلور سرتېري وژل شوي دي.

د دغه برید مسؤلیت پاکستانیو طالبانو پر غاړه اخستی او ویلي یې دي چې دې برید کې یې اته کسه د پاکستان عسکر وژلي دي.

په دې وروستیو کې په شمالي او جنوبي وزیرستان کې د پاکستان پوځ پر ضد حملې ډېرې شوې دي.

دا په داسې حال کې ده چې تر دېوړاندې د پاکستان لومړي وزیر عمران خان د ټي ټي پي ډلې ته د خبرو کولو وړاندیز هم وکړ؛ خو پاکستانیو طالبانو د خبرو پر ځای جګړه غوره وبلله.