د پیښور انتظامی افسران د مرکزی زندان دوره کړې ،د قیدیانو سره ی هم لیدنه کړې ده

باغي ټي وي رپورټ
د پيښور ډپټي کمشنر شفيع الله خان په خاص هداياتو د ايډيشنل ډپټي کمشنر ريليف عمران يوسفزئي د سټرينګ کميټۍ سره د پيښور سنټرل جيل دوره کړې او د بنديانو ستونزې يې واوريدې.

د پيښور ايډيشنل ډپټي کمشنر ريليف عمران يوسفزئي د پيښور سنټرل جيل مختلفو بيرکونو دوره کړي او د بنديانو ستونزي ئي واوريدې او په سنټرل جيل کښي ئي د خوراک او صفائي نظام هم چیک کړے دے۔ د پيښور اډيشنل ډپټي کمشنر ريليف عمران يوسفزي د پيښور سنټرل جيل د عملې او نورو چارواکو نه غوښتنه کړې چې په جيل کښې بند بنديانو ته ښه خوراک ورکړي۔ د پاکوالي د نظام د ښه کولو او نورو اسانتیاوو د برابرولو لپاره سمدستي حکمونه صادر شول.