ایران کې پر یوۀ زیارت برید کې ۱۵ کسه وژل شوي او ۴۰ نور ټپیان دي 

ایران کې پر یوۀ زیارت برید کې ۱۵ کسه وژل شوي او ۴۰ نور ټپیان دي 

تر دې وړاندې په ۱۳۷۳ کال کې هم په مشهد کې د شیعه ګانو د اتم امام په زیارت کې چاودنه شوې وه چې تهران یو ترهګریز برید بللی و او د خلق مجاهدینو سازمان یې پړه بللې وه.

خوکلونه وروسته یو شمېر دولتي چارواکو دا د اطلاعاتو د وزارت د هغه مهال د مرستیال وزیر سعید امامي په لارښوونه د اطلاعاتو وزارت د یوې امنیتي پروژې په توګه معرفي کړه.

(2022 / 10/ 27    نېټه باغي ټلویزیون)

بشپړ راپور 

ایراني رسنیو خبر ورکړی، چې د دغه هېواد د فارس ولایت په شیراز ښار کې په یوه وسله وال برید کې ۱۵ کسان وژل شوي او ۴۰ نور ټپیان شوي دي.

د فرانسې خبري آژانس د راپور له مخې، د اسلامي دولت ډلې یا داعش د دې پېښې پړه پر غاړه اخیستې ده.

د فارس د والي مرستیال اسماعیل محبي د چهارشنبې په ورځ رسنیو ته وویل چې د «شاهچراغ زیارت» په سیمه کې «تروریستي حمله» وشوه.

ایرنا خبری اژانس د عینی شاهدانو له قوله لیکلی دی چې «ترهګر» په یوه پیوژوټ موټر کښې د شاه چراغ زیارت ته ورغلل او د نهمې کوڅې له دروازې څخه زیارت ته ننوتل او په هماغه ځای کښې د خدام او زیارت کونکو د ننوتلو لاره یې بنده کړه.

له برید څو ساعته وروسته، د اسلامي دولت یا داعش ډلې په خپله ټګرام پاڼه کې لیکلي چې د دې ډلې یوه وسله وال د ایران په شیراز ښار کې پر زیارت کوونکو ډزې کړي او “لږترلږه ۴۰ شیعه ګان یې وژلي او لسګونه نور یې ټپیان کړي دي.”

تر دې وړاندې په ۱۳۷۳ کال کې هم په مشهد کې د شیعه ګانو د اتم امام په زیارت کې چاودنه شوې وه چې تهران یو ترهګریز برید بللی و او د خلق مجاهدینو سازمان یې پړه بللې وه.

خوکلونه وروسته یو شمېر دولتي چارواکو دا د اطلاعاتو د وزارت د هغه مهال د مرستیال وزیر سعید امامي په لارښوونه د اطلاعاتو وزارت د یوې امنیتي پروژې په توګه معرفي کړه.