د پنجشیر والي: د دغۀ ولایت لپاره د امنیت تامین او خدمت کول مې لومړیتوبونو دي 

د پنجشیر والي: د دغۀ ولایت لپاره د امنیت تامین او خدمت کول مې لومړیتوبونو دي 

ښاغلي هاشمي وویل، خلکو ته خدمت کول او د امنیت تامین یې له لومړیتوبونو څخه دي په دې وروستیو کې پنجشیر د ملي مقاومت د جبهې له خوا د ط’البانو او د هغوی د مخالفینو ترمنځ د خونړیو نښتو شاهد و. د دغو جګړو په پایله کې لسګونه کورنیو خپل کورونه پرېښي او ګاونډیو ولایتونو ته یې پناه وړې ده.

(2022 / 9 / 27     نېټه باغي ټلویزیون)

بشپړ راپور 

محمد محسن هاشمي د یو لړ رسمي مراسمو په ترڅ کې د ط’البانو د حکومت د چارواکو له خوا د پنجشیر د نوي والي په توګه معرفي شو او خپله دنده یې پیل کړه. نوموړي د دوشنبې په ورځ د میزان په څلورمه په رسمي ډول د پنجشیر د نوي والي په توګه خپله دنده پیل کړه.

باختر آژانس خبر ورکړ چې مولانا محمد محسن هاشمي د پنجشېر د والي په توګه له معرفي کېدو مخکې د کورنيو چارو وزارت مرستيال و. ښاغلي هاشمي وویل، خلکو ته خدمت کول او د امنیت تامین یې له لومړیتوبونو څخه دي.

په دې وروستیو کې پنجشیر د ملي مقاومت د جبهې له خوا د ط’البانو او د هغوی د مخالفینو ترمنځ د خونړیو نښتو شاهد و. د دغو جګړو په پایله کې لسګونه کورنیو خپل کورونه پرېښي او ګاونډیو ولایتونو ته یې پناه وړې ده.