پاکستان کښې د نوې ټاکنو لپاره ټولې چارې بشپړ شوي دي: شیخ رشید

باغی ټي وي رپورټ
د عوامي مسلم ليګ مشر شيخ رشيد يو ځل بيا دعوه کړې ده چې په ملک کښې د ضمني انتخاباتو پرځاې د نويو انتخاباتو په اړه معاملې پای ته رسیدلې دي.

په ټولنيزه ميډيا خپل يو بيان کې شيخ رشيد ويلي، چې ولس به ډېر زر د ټاکنو د نېټې پرېکړه واوري، نوی اليکشن کميشن، نګران حکومت، قرنطين شوي کسانو هم د ټاکنو په اړه منلې ده خو يوازې مولانا فضل الرحمان پاتې دی.

شیخ رشید وویل د متحدینو سیاسي شهرت په خارو بدل شوی، دوی نه په خلکو کې ګرځي، نه د تیښتې توان لري او نه له بهر څخه د بللو توان لري، اوس به ولس پریکړه کوي.

ده زياته کړه چې جمهوريت يو ټوکه او اسمبلۍ تماشا ګرځېدلې ده، بحران له سري لنکا څخه لبنان، عراق او اوس پاکستان ته روان دى، د ایل پي جي 10 روپو زياتوالي سره به بازارونه وتړل شي، د 6000 ميګاواټه بجلۍ کمښت او اضافي ټيکسونه په هټیوالو باندې د 6000 زیاتوالی به نور اقتصادي ناورین راولي.