کابل او ننګرهار ولایت کې چاودنې شوي دي

کابل او ننګرهار ولایت کې چاودنې شوي دي

نن سهار کابل او ننګرهار ولایت کې چاوندې شوي چې له امله یې شلو تنو ته مرګ ژوبله اوښتې ده، دا د طالبانو د واکمنۍ پر مهال لومړنۍ چاودنې چې ښارو کې رامنځته کېږي.

(2021 / 9 / 18 نېټه باغي ټلویزیون)

نن سهار کابل او ننګرهار ولایت کې چاوندې شوي چې له امله یې شلو تنو ته مرګ ژوبله اوښتې ده، دا د طالبانو د واکمنۍ پر مهال لومړنۍ چاودنې چې ښارو کې رامنځته کېږي.

نن سهار لومړنۍ چاودنه د کابل ښار شپاړسمې حوزې اړوند دشت برچي سیمه کې شوې چې دوه کسه پکې ټپیان شوي دي.

دوه نور‌ې چاودنې بیا د ننګرهار ولایت جلال آباد ښار کې د طالبانو پر رینجر موټرو شوي چې دوه کسه پکې وژل شوي او شپاړس نور پکې ټپیان دي.

طالبانو د یادو چاودنو په اړه تر اوسه څه ندي ویلي؛ خو تر دې وړاندې داعش ډلې خبرداری ورکړی ؤ چې د بهرنیو ځواکونو له وتلو سره به د طالبانو پر وړاندې جګړه پیل کړي.

دغو چاودنو خلک اندېښمن کړي دي، دوی وايي چې ډارېږي افغانستان یو ځل بیا د جنګ لمبو کې راګیر نشي.

تر دې وړاندې امریکا خبر ورکړی ؤ چې افغانستان کې د داعش راپورته کېدو خطر شته.