بلوچستان کښې د بلوچ آزادي خوښې ډلې ۶ ترهګر وژل شوي
باغی ټي وي رپورټ
د بلوچستان د مکران په غرنۍ سیمه کې د امنیتي ځواکونو په عملیاتو کې شپږ ترهګر وژل شوي دي.
د پاکستان د پوځ د عامه اړیکو (آی ایس پي آر) له مخې، امنیتي ځواکونو د مکران په غرنۍ سیمه کې د ترهګرو د شتون په اړه د معلوماتو په اساس عملیات ترسره کړل.
آئي ايس پي آر وئيلي دي د عملياتو په مهال ترهګرو د تيښتې کوشش وکړو او د کالعدم بلوچستان لبريشن فرنټ (بي ايل ايف) شپږ ترهګر د ډزو په تبادله کښې ووژل شول.
آئي ايس پي آر وئيلي دي چې وژل شوي ترهګر په سکيورټي فورسز په بريدونو کښې ککړ وو او د ترهګرو د قبضې نه وسله او بارودي مواد هم ترلاسه شوي دي۔
د آی ایس پي آر له مخې امنیتي ځواکونه په بلوچستان کې امن او ثبات ته ژمن دي.