کراچۍ ضمني ټاکنو کښې ایم کیو ایم او تحریک لبیک کاندیدانو ترمینځ مقابله روانه ده

باغي ټي وي رپورټ
د کراچۍ د کورنګي په حلقه این اے 240 سیټ ضمني انتخاباتو لپاره نن پولنګ وشو او نتیجه یې لا نه ده راغلې.

په دې ضمني انتخاباتو کې ٢٥ کانديدان په ميدان کې دي په داسې حال کې چې دا څوکۍ د ايم کيو ايم پاکستان د قومي اسمبلۍ غړي اقبال محمد علي په مړينه خالي شوې وه.

د ټاکنو پر مهال هم لاریونونه او ډزې وشوې، چې له امله یې یو تن وژل شوی او ګڼ نور ټپیان شوي دي.

کوم ګوند کاندید څومره رای ترلاسه کړي؟
د کراچۍ د این اے 240 کورنګي 2 ضمني انتخاب لپاره د 309 پولنګ سټیشنونو څخه تر دې دمه د 151 پولنګ سټیشنونو غیر رسمي پایلې جاري شوي دي چې پکې د پاکستان شهزاده شهباز 5064 ووټونه ترلاسه کړي دي.