سفیر افغانستان در تاجیکستان: جهان نباید یک گروه ویران‌گر را به رسمیت بشناسند

تلویزیون باغی: سفیر افغانستان در تاجیکستان: جهان شاید در زمان کوتاهی صدای زنان افغان را شنیده باشد؛ نباید یک گروه ویران‌گر را به رسمیت بشناسند

شماری از شهروندان افغان مقیم تاجیکستان در یک گرد‌هم‌آیی در سفارت افغانستان در آن کشور خواستار حقوق خود شده و با شعار «ما حقوق خود را می خواهیم، کار حق مسلم ماست»، اعتراض کردند.

در همین‌حال محمد‌ظاهر اغبر، سفیر افغانستان در تاجیکستان با حمایت از زنان گفت: «جهان در یک زمان کوتاه شاید صدای زنان عدالت‌خواه را شنیده باشد که می گویند یک حکومت افراطی را نمی‌خواهند. بدون شک مردم افغانستان باورمند هستند که کشور‌های جهان و همسایه‌گان افغانستان، چنین حکومت افراط‌گرایی را که با قتل و انتحار، انفجار و ویرانی به قدرت رسیده اند، به رسمیت نخواهند شناخت.»

سفیر افغانستان در دوشنبه افزود که دیگر کشور‌ها همانند رییس جمهور تاجیکستان با مردم افغانستان در قبال سرنوشت حیاتی شان هم‌کاری و موضع‌گیری دل‌سوزانه را خواهند گرفت.