په سعودي کې مېشتو افغان کارګرو ته د پاسپورټونو د ويش دويم پړاو پيليږي

په سعودي کې مېشتو افغان کارګرو ته د پاسپورټونو د ويش دويم پړاو پيليږي

رياض کې د افغانستان سفارت ويلي چې تر دې مهاله يې د زرګونو افغان کارکوونکو د نقل معلومات پروسه بشپړه کړې ده. دا پروسه په ۲۰۱۶ کال کې سعودي عربستان ته د مخکني ولسمشر محمداشرف غني تر سفر وروسته پيل شوه.

(2022 / 6 / 9  نېټه باغي ټلویزیون)

بشپړ راپور 

په سعودي کې مېشتو افغان کارګرو ته د پاسپورټونو د ويش دويم پړاو پيليږي.

په ریاض کې د افغانستان سفیر احمد جاوید مجددي ويلي چې افغان کارګرو ته د پاسپورټونو د ويش لومړی پړاو په بشپړيدو دی او ډير ژر به یې دويم پړاو هم پيل شي.

د يادونې وړ ده چې په سعودي کې په زرګونو افغانان د پاکستاني پاسپورټونو په لرلو سره په خوارۍ غريبۍ بوخت دي چې په وروستيو کې ورته د افغاني پاسپورټونو د ورکړې په موخه د نقل معلومات په نوم پروګرام پيل شوی دی.

رياض کې د افغانستان سفارت ويلي چې تر دې مهاله يې د زرګونو افغان کارکوونکو د نقل معلومات پروسه بشپړه کړې ده. دا پروسه په ۲۰۱۶ کال کې سعودي عربستان ته د مخکني ولسمشر محمداشرف غني تر سفر وروسته پيل شوه.

د وخت چارواکو ويلي وو چې سعودي په يوه استثنايي پرېکړه کې ورسره منلې چې افغان کارګران به د افغاني هويت په توګه ومني او په افغاني پاسپورټونو به د کار ويزې او اقامې ورکړي.