امریکا ترکیې ته خبرداری ورکړی چې د سوریې شمال کې د عملیاتو لۀ پیلولو ډډه وکړي

امریکا ترکیې ته خبرداری ورکړی چې د سوریې شمال کې د عملیاتو لۀ پیلولو ډډه وکړي

د امريکا د بهرنيو چارو وزارت ویاند نيډ پرايس يوه خبري کنفرانس ته وويل چې متحد ايالتونه د ترکيې په جنوب کې د انقرې امنيتي اندېښنې د درک وړ بولي، خو د عملياتو د پيل پر پلان يې جدي اندېښنه څرګندوي.

(2022 / 5 / 25  نېټه باغی ټلویزیون)

بشپړ راپور 

امريکا، ترکيې ته خبرداری ورکړی چې د سوريې په شمال کې د عملياتو له پيلولو ډډه وکړي.

د امريکا د بهرنيو چارو وزارت ويلي چې په سوريه کې د ترکيې نظامي عمليات امريکايي سرتېري له خطر سره مخ کوي. دا خبر په داسې حال کې دی چې ترکيې تازه د سوريې په شمال کې د ۳۰ کيلومترو په پراخوالي سره د امنيتي زون د رامنځته کولو په موخه د نظامي عملياتو پيل ته د چمتووالي خبر ورکړی و.

د امريکا د بهرنيو چارو وزارت ویاند نيډ پرايس يوه خبري کنفرانس ته وويل چې متحد ايالتونه د ترکيې په جنوب کې د انقرې امنيتي اندېښنې د درک وړ بولي، خو د عملياتو د پيل پر پلان يې جدي اندېښنه څرګندوي.

هغه ويلي چې هيواد يې د تاوتريخوالي د زياتيدو لپاره هر ډول اقدام غندي او د اوسني اوربند په پاتې کيدو ټينګار کوي.