ایران و تاجیکستان بر ضرورت تلاش برای برقراری امنیت در افغانستان تاکید کردند

تلویزیون باغی: محمد باقری، رییس ستاد کل نیروهای مسلح ایران، در دیدار با رییس جمهور تاجیکستان، بر ضرورت تلاش دو کشور برای برقراری امنیت و صلح در افغانستان تاکید کرده‌اند.

رسانه‌های ایرانی گزارش کرده‌اند که محمد باقری در دومین روز از سفرش به تاجیکستان، با امام‌علی رحمان، رییس جمهور این کشور، در این زمینه گفت‌وگو کرده است.

رییس جمهور تاجیکستان گفته که نیروهای مسلح تاجیکستان از هر گونه همکاری دوجانبه دفاعی و نظامی با نیروهای مسلح ایران استقبال می‌کنند.

همچنان، رییس ستاد کل نیروهای مسلح ایران گفته است که نیروهای مسلح دو کشور با توسعه همکاری‌های نظامی و منطقه‌ای می‌توانند برای برقراری امنیت و صلح در افغانستان کمک کنند.

این در حالی است که در روزهای اخیر مقام‌های سیاسی و نظامی کشورهای همسایه در مورد اوضاع امنیتی افغانستان در نشست‌هایی گفت‌وگو کرده‌اند.

ایران مجدداً درباره وضعیت امنیتی افغانستان ابراز نگرانی کرد