روسیه وایي، فنلنډ تو سویډن لۀ ناټو سره د یوځایوال تېروتنه کړې، پۀ آسانه یې نۀ بښو 

روسیه وایي، فنلنډ تو سویډن لۀ ناټو سره د یوځایوال تېروتنه کړې، پۀ آسانه یې نۀ بښو 

دوی دې داسې ګمان نه‌ کوي چې روسیه به په ډېرې اسانۍ سره له دې کاره تېر شي. دا په داسې حال کې ده چې فنلنډ تېره ورځ په رسمي ډول اعلان وکړ چې په رسمي ډول له ناټو سره یو ځای کېږي. سویډن هم له دې سازمان سره د یو ځای کېدو غوښتنه کړې ده.

(2022 / 5  / 17   نېټه باغي ټلویزیون)

بشپړ راپور 

د روسیې د بهرنیو چارو وزارت مرستیال ویلي، فنلنډ او سویډن دې داسې ګمان نه‌ کوي چې روسیه دې د ناټو له سازمان سره د دغه هېوادونو له یو ځای کېدو په دومره اسانۍ سره تېره شي.

د روسیې د بهرنیو چارو وزارت مرستیال سرګي ریابکوف همداراز ویلي، له ناټو سازمان سره د فنلنډ او سویډن یو ځای کېدل یوه تېروتنه ده چې کولای شي پراخې پایلې ولري. نوموړي د فنلنډ او سویډن د تازه پرېکړې په غبرګون کې ویلي دا څرګنده ده چې په دې کار سره د فنلنډ او سویډن امنیت نه ټینګېږي.

دوی دې داسې ګمان نه‌ کوي چې روسیه به په ډېرې اسانۍ سره له دې کاره تېر شي. دا په داسې حال کې ده چې فنلنډ تېره ورځ په رسمي ډول اعلان وکړ چې په رسمي ډول له ناټو سره یو ځای کېږي. سویډن هم له دې سازمان سره د یو ځای کېدو غوښتنه کړې ده.