وزارت مالیه: تمام کارمندان از امروز به وظایف شان حاضر شوند؛ کارمندان زن از این امر مستثنی هستند

تلویزیون باغی: وزارت مالیه میگوید که تمام کارمندان از امروز به وظایف شان حاضر شوند؛ کارمندان زن از این امر مستثنی هستند
وزارت مالیه در اعلامیهای از همه مسوولین و كارمندان این اداره خواسته است که سر از امروز شنبه به وظیفههای شان حاضر و امور کاری خويش را بدون سکتگی به پیش ببرند.
در اعلامیهای وزارت مالیه آمده، در صورتیكه رییسها و کارمندان این وزارت الی دوشنبه تاریخ ٢٢ سنبله به وظایف خویش حاضر نشوند؛ از تاريخ اول سنبله غيرحاضر محسوب میشوند.
این وزارت افزوده که كارمندان اناث از این اطلاعيه الی اماده شدن محیط مناسب کاری، مستثنی میباشند.
به گفتهی وزارت مالیه در ولایت کابل وقتهای كاری ادارات مركزی به گونهی موقت از ساعت ٨ صبح الی ١٢ ظهر میباشد. اما وقتهای كاری ادارات گمركات ولایتها مثل سابق از ساعت ٨ صبح الی ٤ عصر میباشد.