کورنیو چارو وزارت پر امنیتي ځواکونو غږ کړی چې د خلکو پر وړاندې د مینې او خلوص سینې پرانیزي

کورنیو چارو وزارت پر امنیتي ځواکونو غږ کړی چې د خلکو پر وړاندې د مینې او خلوص سینې پرانیزي

نوموړي دغه راز ویلي چې ټول ځواکونه دې د ا.ا د لوی مشر هبت الله اخندزاده د عفوې فرمان ته په ژمنتیا د تېرې زمانې عقدې هېرې کړي. حقاني په هېواد کې وروستیو بریدونو ته په اشارې پر خپلو مخالفینو غږ کړی دی چې هیڅکله به خپلو شومو موخو ته ونه رسېږي.

(2022 / 5 / 1   نېټه باغي ټلویزیون)

بشپړ راپور  

د کورنیو چارو وزارت سرپرست وزیر سراج الدین حقاني پر امنیتي ځواکونو غږ کړی دی چې خلکو ته د مینې او ورورولۍ غېږ لا پراخه کړي.

نوموړي د کوچني اختر په مناسبت خپاره کړي پیغام کې ویلي چې اختر نه یوازې په دیني لحاظ بلکې په دودیز لحاظ هم د فاصلې د کمولو، د ورورولۍ او یو بل ته د غېږې خلاصولو، مهربانۍ او شفقت ورځ ده نو د ا.ا ټول ځواکونه دې خپلو خلکو ته د مینې او ورورولۍ غېږې لا پراخې کړي.

نوموړي ټینګار کړی دی چې ټول دې د غوسې، زورزیاتي، تعدۍ او بدې رویې، د خلکو له بې حرمتۍ او ځورولو څخه په کلکه ډډه وکړي.

نوموړي دغه راز ویلي چې ټول ځواکونه دې د ا.ا د لوی مشر هبت الله اخندزاده د عفوې فرمان ته په ژمنتیا د تېرې زمانې عقدې هېرې کړي.

حقاني په هېواد کې وروستیو بریدونو ته په اشارې پر خپلو مخالفینو غږ کړی دی چې هیڅکله به خپلو شومو موخو ته ونه رسېږي.