د آزاد جمو کشمیر وزیراعظم استعفی ورکړې ده

باغی ټي وي رپورټ
د آزاد کشمیر لومړي وزیر سردار عبدالقیوم نیازي له خپلې دندې استعفی ورکړې ده.دسرچينو ترمخه سردار عبدالقيوم نيازي خپله استعفي د پي ټي آئي چيئرمين عمران خان او د آزاد کشمير صدر ته هم استولې ده۔

سردار عبدالقیوم نیازي عمران خان ته په خپل پیغام کې ویلي چې وزیراعظم زما امانت و او نن یې بیرته تاسو ته وړاندې کوم.ياده دي وي چي د پي ټي آئي غړیو يو ورځ وړاندي د آزاد کشمير حکومت د خپل وزيراعظم سردار عبدالقيوم نيازي په ضد د عدم اعتماد تحريک جمع کړے وو۔
د آزاد کشمیر وزیراعظم نن د پارټۍ چیرمین عمران خان سره ملاقات کړی وو چی پکښي هغه شکایت کړی وو او وئيلی وو چی د ده خلاف د عدم اعتماد تحریک یوه لویه سازش دې.
دسرچينو ترمخه په دغه موقع عمران خان په سردار عبدالقيوم نيازي باور څرګند کړى وو او هغه يې داستعفي کولو څخه منع کړى وو خو اوس داسې خبرونه مخې ته راغلي چې هغه استعفى ورکړې ده.