د هند ولسمشر ویلي چې د افغانستان وضعت سره د ټولې سیمې وضعت تړلی 

د هند ولسمشر ویلي چې د افغانستان وضعت سره د ټولې سیمې وضعت تړلی 

دی وایي ترکمنستان او هند په ګډه په افغانستان کې د یوه ټولشموله حکومت ملاتړ کوي، د نجونو د زده کړو او تعلیم ملاتړي دي، دلته د بشري حقونو رعایت ته ارزښت ورکوي او په دې تمه دي چې له افغانانو سره بشردوستانه مرستې پراخې شي.

(2022 / 4 / 3   نېټه باغي ټلویزیون)

بشپړ راپور 

هند او ترکمنستان په افغانستان کې له دایمي ثبات او سولې ملاتړ کړی دی. د هند ولسمشر چې تر دې دمه د ترکمنستان په سفر دی په تازه څرګندونو کې ویلي، له ترکمنستاني سیال سره یې په افغانستان کې پر روان وضعیت او راتلونکې خبرې کړې دي.

د هند ولسمشر رام نات کوویند وایي د افغانستان وضعیت پورې د ټولې سیمې حالات او ثبات تړلي دي نو له همدې امله د سیمې هېوادونه هڅه کوي چې په دغه هېواد کې دایمي ثبات راشي.

دی وایي ترکمنستان او هند په ګډه په افغانستان کې د یوه ټولشموله حکومت ملاتړ کوي، د نجونو د زده کړو او تعلیم ملاتړي دي، دلته د بشري حقونو رعایت ته ارزښت ورکوي او په دې تمه دي چې له افغانانو سره بشردوستانه مرستې پراخې شي.

هند او ترکمنستان دغه راز د ټاپي پروژې پر عملي کېدو ټینګار کړی دی او دواړو هېوادونو ویلي چې د دغه ډول سترو پروژو د عملي کېدو لپاره د افغانستان ثبات مهم دی.