په ۱۸ ضلعو کې نن بلدیاتي ټاکنې کیږي

باغي ټي وي رپورټ
د خېبر پښتونخوا د بلدياتي انتخاباتو په دويم پړاو کې نن د زیارت په ورځ په ۱۸ ضلعو کې انتخابات کېږي. دې لړ کښې د سکيورټي پشمول ټول انتظامات مکمل کړے شوي دي۔

د ټاکنو ټول توکي، د رای اچوولو پاڼې، د رای کڅوړې او د رای مرکزونو کارکونکي د چهارشنبې په ورځ په پوره امنیت سره د رای ورکولو مرکزونو ته ورسول شول.

د جیو رپورټ مطابق د پولنګ مواد د رېټرننګ افسرانو له دفتره وېشل کېږي، د ټاکنو د ټول بهير په څارنه کې د ټاکنو کمېشن سپېشل سيکرټري، سيکرټري او چيف اليکشن کميشن شامل دي.

د دويم پړاو په زياتو ضلعو کې د رايې ورکولو مرکزونه په غرنيو او لرې پرتو سيمو کې دي. د رايې ورکولو مرکزونو ته د رايې اچوونې ټول موادو او ددې مرکزونو د کارکوونکو د رسولو بهير د چهارشنبې په ورځ سڅر څخه پيل شو.
د هېواد د ۱۸ ولسوالیو په ۶۵ تحصیلونو کې د بلدیاتی ټاکنو لپاره ټاکنې روانې دی. ټولټال ۶۱۷۶ د رای ورکولو مرکزونه او ۱۶۵۰۹ مرکزونه جوړ شوي دي. په دې ضلعو کې د اورکزۍ، کرم، شمالي وزیرستان، جنوبي وزیرستان، ایبټ آباد، مانسهره، بټګرام، تورغر، کوهستان بالا، کوهستان زر، کولایی پالس، سوات، شانګله، ملاکنډ، دیر بالا، دیر ای لوئر، چترال اپر او چترال لوئر شامل دی.