د بشري حقونو څار اداره: د ا.ا وروستۍ ظالمانه پرېکړه غندو

د بشري حقونو څار اداره: د ا.ا وروستۍ ظالمانه پرېکړه غندو

د یادونې ده چې ا.ا تر دې وړاندې ژمنه کړې وه چې د نوي تعلیمي کال له پیل سره به ټول ښوونځي د نجونو او هلکانو پر مخ پرانیستل شي خو نن یې یوازې تر شپږم ټولګي پورې نجونو ته ښوونځیو ته د تګ اجازه ورکړې ده.

(2022 / 3 / 23   نېټه باغي ټلویزیون)

بشپړ راپور 

د بشري حقونو څار ادارې له اووم نه تر دولسم ټولګي پورې د نجونو د ښوونځیو نه پیلېدو له امله خواشیني څرګنده کړې ده.

یادې ادارې ویلي چې د طالبانو وروستۍ پرېکړه ظالمانه او د بښلو وړ نه ده.

بلخوا د بښنې نړیوال سازمان هم د اندېښنې په څرګندولو سره ویلي چې طالبانو یو ځل بیا خپله ژمنه ماته کړه او نجونو ته یې ښوونځیو ته د تګ اجازه ورنه کړه.

په همدې حال کې په کابل کې د ملګرو ملتونو استازولۍ هم د ا.ا وروستۍ پرېکړه غندلې ده او په دې برخه کې یې له سرپرست حکومت څخه د توضیحاتو غوښتنه کړې ده.

د یادونې ده چې ا.ا تر دې وړاندې ژمنه کړې وه چې د نوي تعلیمي کال له پیل سره به ټول ښوونځي د نجونو او هلکانو پر مخ پرانیستل شي خو نن یې یوازې تر شپږم ټولګي پورې نجونو ته ښوونځیو ته د تګ اجازه ورکړې ده.