متقي وايي چې دیپلوماسي باید د هېوادونو د سیاسي بقا د ساتنې وسیله وي 

متقي وايي چې دیپلوماسي باید د هېوادونو د سیاسي بقا د ساتنې وسیله وي 

متقي څرګنده کړې ده چې افغانان سوله خوښې خلک دي او په وینا یې په ۲۰۰۱ میلادي کال کې هم د ا.ا رهبر ملا محمد عمر مجاهد امریکا ته د خبرو وړاندیز وکړ خو د امریکا د وخت حکومت پر نظامي لارو ټینګار کاوه چې افغانانو ته هم له مقاومت پرته بله لار نه وه پاتې.

(2022 / 3 / 12   نېټه باغي ټلویزیون)

بشپړ راپور 

د بهرنیو چارو وزارت سرپرست مولوي امیرخان متقي ویلي چې ډيپلوماسي باید جګړې ته د مشروعیت ورکولو پر ځای د جګړو د مخنیوي په موخه وکارول شي.

هغه د انتالیا ديپلوماسي فورم ته په وینا کې، دغه راز زیاته کړې ده چې ډيپلوماسي نباید یوازې د لویو قدرتونو د منافعو او ایډیالوژیو د ترویج وسیله وي، بلکې له ډيپلوماسي څخه باید نظامي ځواک ته له پام پرته د هیوادونو د استقلال، هویت او مشروع منافعو د ساتنې په هدف کار واخیستل شي.

د بهرنیو چارو سرپرست وزیر د خپلو خبرو پر دوام ویلي چې په افغانستان کې اوسمهال امنیت تامین دی او ټول وګړي د ورورګلوي په فضا کې د یو او بل تر څنګ ژوند کوي. هغه ویلي چې اوسمهال د تېر حکومت ۵۰۰ زره مامورین له دوی سره کار کوي، یوازې د سر خلک له حکومته تللي دي.

متقي څرګنده کړې ده چې افغانان سوله خوښې خلک دي او په وینا یې په ۲۰۰۱ میلادي کال کې هم د ا.ا رهبر ملا محمد عمر مجاهد امریکا ته د خبرو وړاندیز وکړ خو د امریکا د وخت حکومت پر نظامي لارو ټینګار کاوه چې افغانانو ته هم له مقاومت پرته بله لار نه وه پاتې.