ملګري ملتونو ویلي د ژمنه شوو مرستو یوازې ۱۲ سلنه مو تر لاسه کړې دي

ملګري ملتونو ویلي د ژمنه شوو مرستو یوازې ۱۲ سلنه مو تر لاسه کړې دي

سرچینه همدا رازوایي چې دوی هڅه کوي په شفافه توګه د بشردوستانه مرستو د وېش لړۍ ادامه ولري له همدې امله یې د څارنې ځانګړې ډلې هم رامنځ ته کړې، څو ددې مرستو پر وېش نظارت او څارنه وکړي.

(2022 / 2 / 27  نېټه باغي ټلویزیون)

بشپړ راپور 

ملګري ملتونه وایي له افغانستان سره د ژمنه شوو مرستو ۱۲ سلنه یې ترلاسه کړې ده.

د ملګرو ملتونو مطبوعاتي برخې ویلي چې دوی په افغانستان کې د بشردوستانه مرستو لپاره شاوخوا ۴ نیم میلیارده ډالر غوښتي وو او نړۍ هم ورسره ددې مرستو ژمنه کړې وه، خو تر دې دمه یې یوازې ۱۲ سلنه تر لاسه کړي دي.

سرچینه همدا رازوایي چې دوی هڅه کوي په شفافه توګه د بشردوستانه مرستو د وېش لړۍ ادامه ولري له همدې امله یې د څارنې ځانګړې ډلې هم رامنځ ته کړې، څو ددې مرستو پر وېش نظارت او څارنه وکړي.

ملګري ملتونه وایي نړیوالو ته په کار ده چې له افغانستان سره خپلو بشردوستانه مرستو ته ادامه ورکړي او د بشري ناورین د پراختیا مخه ډب کړي.