افغانستان ته د هندي غنمو لېږد پیل شو

افغانستان ته د هندي غنمو لېږد پیل شو

هند شاوخوا پنځه میاشتې وړاندې له افغانستان سره د ۵۰ زره ټنه غنمو مرسته اعلان کړه خو له هغه مهاله تر دې دمه دغه غنم په واګه بندر کې د پاکستاني حکومت له لوري درول شوي وو او افغانستان ته د لېږد اجازه نه ورکول کېده.

(2022 / 2 / 22   نېټه باغي ټلویزیون)

بشپړ راپور 

ټاکل شوې چې د هند د مرسته شوو غنمو لومړۍ جوپه نن افغانستان ته حرکت وکړي.

د پاکستاني رسنیو د راپورونو له مخې هند او پاکستان هوکړه وکړه چې افغانستان ته د مرسته شوو غنمو لېږد پيل شي.

ټاکل شوې چې نن سه شنبه ددې غنمو لومړنۍ محموله له واګه بندر تېره شي او د افغانستان پر لور حرکت وکړي.

هند شاوخوا پنځه میاشتې وړاندې له افغانستان سره د ۵۰ زره ټنه غنمو مرسته اعلان کړه خو له هغه مهاله تر دې دمه دغه غنم په واګه بندر کې د پاکستاني حکومت له لوري درول شوي وو او افغانستان ته د لېږد اجازه نه ورکول کېده.

دمګړی پاکستان ددغه غنمو د لېږد اجازه ورکړې ده او ټاکل شوې چې د خوړو نړیوال پروګرام له لوري په افغانستان کې پر اړمنو ووېشل شي.