که بېړنی اقدام و نه شي لوږه به د شاوخوا یو میلیون افغان ماشومانو ژوند واخلي

که بېړنی اقدام و نه شي لوږه به د شاوخوا یو میلیون افغان ماشومانو ژوند واخلي

دغه اداره وایي چې د دوی مرستندویه بنسټونه هېوادونه دې د افغانانو د ژغورنې په برخه کې همکاري ورسره وکړي. د سرچینې په خبره که پر وخت اقدام ونه شي نو ښایي یو میلیون افغان ماشومان په دغه هېواد کې ومري.

(2022 / 1 / 26  نېټه باغي ټلویزیون)

بشپړ راپور 

د ماشومانو لپاره د ملګرو ملتونو د ځانګړي صندوق یا یونسیف مسوولینو ویلي چې په افغانستان کې د ماشومانو وضعیت ترینګلی دی.

د دوی په خبره ماشومان اړینو روغتیايي خدماتو ته لاسرسی نه لري، له لوږې سره مخ دي او خوارځواکي یې ځپي.

دغه اداره وایي چې د دوی مرستندویه بنسټونه هېوادونه دې د افغانانو د ژغورنې په برخه کې همکاري ورسره وکړي. د سرچینې په خبره که پر وخت اقدام ونه شي نو ښایي یو میلیون افغان ماشومان په دغه هېواد کې ومري.

یونسیف تر دې وړاندې هم په افغانستان کې د ماشومانو او مېندو وضعیت د اندېښنې وړ بللی و او ټينګار یې کړی چې باید پر وخت اړینې بشردوستانه مرستې ترسره کړل شي.