مجاهد: لۀ ټولو ګاونډیو هېوادونو سره ښې اړیکې غواړو 

مجاهد: لۀ ټولو ګاونډیو هېوادونو سره ښې اړیکې غواړو 

مجاهد دا څرګندونې وروسته تر هغه کوي چې پرون برېښنا شرکت راپور ورکړ چې ازبیکستان د دوی له همغږۍ پرته افغانستان ته خپله صادراتي برېښنا ۶۰ سلنه کمه کړې ده خو ازبیکستاني رسنیو نن راپور ورکړ چې د ازبیکستان لوري ته رامنځته شوې تخنیکي ستونزه حل شوې او افغانستان ته تلونکې برېښنا بېرته عادي حالت ته راګرځېدلې ده.

(2022 / 1 / 13  نېټه باغي ټلویزیون)

بشپړ راپور 

د افغانستان ا.ا عمومي ویاند ذبیح الله مجاهد یو ځل بیا له ګاونډیو هېوادونو سره پر ښو او پياوړو اړیکو ټینګار کړی دی او زیاته کړې یې ده چې دوی له ټولو ګاونډیو هېوادونو سره د باور په فضا کې د ستونزو پر حل باور لري.

مجاهد پر خپل ټویټر لیکلي چې ا.ا د ازبیکستان هېواد لخوا د برېښنا ستونزې د حل په اړه د هغه هېواد له چارواکو مننه کړې ده او زیاته کړې یې ده چې ازبیکستان د افغانستان د اعتماد وړ ورور او همسایه هیواد دی، د دوی تر منځ ټولې ستونزې به د دوستۍ او ښه ګاونډيتوب په چوکاټ کې حل کیږي.

مجاهد دا څرګندونې وروسته تر هغه کوي چې پرون برېښنا شرکت راپور ورکړ چې ازبیکستان د دوی له همغږۍ پرته افغانستان ته خپله صادراتي برېښنا ۶۰ سلنه کمه کړې ده خو ازبیکستاني رسنیو نن راپور ورکړ چې د ازبیکستان لوري ته رامنځته شوې تخنیکي ستونزه حل شوې او افغانستان ته تلونکې برېښنا بېرته عادي حالت ته راګرځېدلې ده.