بهرنیو چارو وزارت وایي نړیوال دې قوانیو ته په درناوي نوی حکومت په رسمیت وپېژني

بهرنیو چارو وزارت وایي نړیوال دې قوانیو ته په درناوي نوی حکومت په رسمیت وپېژني

بلخي داسې مهال دغه څرګندونې کوي چې په کابل کې د نوي حکومت له واک ته رسېدو څو میاشتې تېرېږي خو نړیوالو یې لا تر اوسه د رسمیت پېژندلو پروسه نه ده پیل کړې.

(2022 / 1 / 5  نېټه باغي ټلویزیون)

بشيړ راپور

د بهرنیو چارو وزارت ویاند عبدالقهار بلخي په خپله تازه مرکه کې ویلي، د ملګرو ملتونو د قوانینو له مخې د افغانستان نوي حکومت ټول هغه شرایط پوره کړي چې د رسمیت پېژندلو لپاره اړین دي.

بلخي وایي اوس د نړیوالو مسوولیت دی چې قوانینو ته درناوی وکړي او نوی حکومت په رسمیت وپېژني.

بلخي زیاته کړې چې نوی حکومت د ولسونو په غوښتنه جوړ شوی او په وینا یې دا د افغانانو حق دی چې حکومت یې په رسمیت وپېژندل شي.

هغه یو ځل بیا ټینګار کړی چې ټولو نړیوالو قوانینو ته ژمن دي، بشري حقونه رعایت کوي، د مېرمنو حقونو ته درناوی لري او له نړیوالو سره د ښو اړیکو غوښتونکي دي.

بلخي داسې مهال دغه څرګندونې کوي چې په کابل کې د نوي حکومت له واک ته رسېدو څو میاشتې تېرېږي خو نړیوالو یې لا تر اوسه د رسمیت پېژندلو پروسه نه ده پیل کړې.