د متحده ایالاتو سترې محکمې پخواني ولسمشر ډونالډ ټرمپ ته د ورکړل شوي معافیت اړوند قضیه کې ګړندۍ اوریدنه رد کړه

باغی ټي وي رپورټ
د متحده ایالاتو سترې محکمې پخواني ولسمشر ډونالډ ټرمپ ته د ورکړل شوي معافیت اړوند قضیه کې ګړندۍ اوریدنه رد کړه.

د ۲۰۲۰ کال په ټاکنو کې د پخواني ولسمشر د لاسوهنې دوسیه د محکمې له انکار وروسته وځنډول شوه.

ځانګړي وکیل جیک سمیټ له سترې محکمې څخه غوښتنه کړې وه چې د استیناف فدرالي محکمه دې له پامه وغورځوي او د معافیت قضیه دې په لومړیتوب کې وڅیړي، خو د امریکا سترې محکمې پرته له دلایلو دا غوښتنه رد کړه.
د متحده ایالاتو د ولسوالۍ قاضي تانیا چتکین د دسمبر په لومړۍ نیټه په یوه حکم کې څرګنده کړه چې ډونالډ ټرمپ معافیت نلري.

د ټرمپ وکیلانو دا پریکړه د استیناف محکمې ته واستوله، پداسې حال کې چې ځانګړي وکیل سترې محکمې ته غوښتنه وکړه چې مداخله وکړي او پخپله قضیه واوري.

د استیناف محکمه به اوس قضیه واوري ځکه چې د سمیټ عریضه رد شوې وه.