د کورنیو چارو پخوانی وزیر شیخ رشید احمد وايي، ما تل د ګېټ نمبر ۴ ملاتړ کړی خو سترګې مې ترې اخیستې.

باغي ټي وی رپورټ

په راولپنډۍ کې ميډيا سره دخبرو په مهال شيخ رشيد وويل زما په ضد په هغو ښارونو کې مقدمې درج شوې چرته چې زه نۀ يم تللى، د چلي په مهال د چلي اثرات اوس هم شته.

ديوې پوښتنې په ځواب کې شيخ رشيد وويل کومه خبره نۀ ده چې مخالفين سياسي کمپاين جاري ساتي، بايلونکى هغه څوک دى چې ماتې ورکوي، زه دالله څخه د مدد هيله کوم.

هغه وويل، خلک وايي چې سياست مه کوه، خو په کومه ورځ چې د ټاکنو مهالوېش راشي موږ به سياست کوو، اوس څوک نه پوهېږي چې د هېواد سياست په کوم لوري روان دی، پرېکړه بايد ولس وکړي. د سیاستوالو په پرتله هوښیار.

شيخ رشيد وويل نوازشريف په ٢١م اکتوبر بيرته راغلى اؤ زه په ٢٢م اکتوبر بيرته راغلى يم، ما همېشه د ګيټ نمبر ٤ ملاتړ کړى خو سترګې مې ورکې شوې، زه به د نواز شريف د ليدلو انتظار کوم.