زلمی خلیلزاد وايي چې دامریکا ماموریت لا هم افغانستان کې پای ته ندی رسېدلی 

زلمی خلیلزاد وايي چې دامریکا ماموریت لا هم افغانستان کې پای ته ندی رسېدلی 

د امریکا ماموریت او کار لا هم په افغانستان کې پای ته نه دی رسېدلی، د افغان سولې لپاره د امریکا د بهرنیو چارو وزارت پخواني استازي زلمي خلیلزاد په تازه څرګندونو کې ویلي، امریکا لا هم ډېر مسوولیتونه لري چې باید په افغانستان کې یې ترسره کړي.

(2021 /  10 /  30  نېټه باغي ټلویزیون)

بشپړ راپور 

د امریکا ماموریت او کار لا هم په افغانستان کې پای ته نه دی رسېدلی، د افغان سولې لپاره د امریکا د بهرنیو چارو وزارت پخواني استازي زلمي خلیلزاد په تازه څرګندونو کې ویلي، امریکا لا هم ډېر مسوولیتونه لري چې باید په افغانستان کې یې ترسره کړي.

دده په خبره سره له دې چې له افغانستان د امریکايي ځواکونو ایستل په شرایطو پورې تړل شوي وو، خو لا هم ډېر هغه شرایط پاتې دي چې عملي شوي نه دي.

نوموړي وویل سره له دې چې په افغانستان کې یو قانوني حکومت وپاشل شو او طا لبان واک ته ورسېدل خو بیا هم د نړیوالې ټولنې مسوولیت دی چې له دغه ډلې سره تعاملاتو ته ادامه ورکړي.

دده په خبره طا لبان باید د نړیوالې ټولنې شرایط ومني او نړیوال دې هم اجازه نه ورکوي چې په دغه هېواد کې جګړې دوام وکړي او د یوه بل ناورین سبب شي.

خلیلزاد ټینګار کړی چې له افغانستان سره باید مرستې پیل شي، ددغه هېواد کنګل شوې شتمني دې ازاده کړل شي او د هر ډول احتمالي ناورین مخنیوی دې وشي.