له پاکستانه په یوه ورځ کې څه باندې درې زره افغان کډوال ایستل شوي

له پاکستانه په یوه ورځ کې څه باندې درې زره افغان کډوال ایستل شوي

هغه ټینګار وکړ چې د نومبر د لومړۍ نیټې مهلت نه یوازې په افغان کډوالو، بلکې په دغه ولایت کې مېشتو ټولو ناقانونه کډوالو ته هم تطبیقېږي.

تر دې مخکې د پاکستان د موقت حکومت د کورنیو چارو وزیر سرفراز بګټي خبرداری ورکړی و، چې هېواد به یې د افغان کډوالو د اوسېدو له اسنادو پرته د اخراج لپاره له ټاکلي ضرب الاجل وروسته له دې پرېکړې سره جوړجاړی ونه کړي.

(2023 / 10 / 21 نېټه باغي ټلویزیون)

بشپړ راپور

د پاکستان دولتي راډیو خبر ورکړی، چې ۳۲۴۸ افغان کډوال افغانستان ته ستانه شوي. د پاکستاني چارواکو د شمېرو له مخې، د اوسېدو له اسنادو پرته د افغان کډوالو د اخراج له مهالوېش څخه تر اوسه له ۵۱ زره ډېر افغانان شړل شوي دي.

د بلوچستان ایالت د اطلاعاتو وزیر جان اڅکزی وايي، د ناقانونه کډوالو د مسلې د هواري لپاره د پاکستان د حکومت هڅې چټکې شوې دي.

اړوند موضوعات:

د پاکستان د جماعت اسلامي ګوند: د افغان کډوالو بېړنۍ شړل د دواړو هېوادونو تر منځ اختلافات لاپسې زیاتوي

په همدې حال کې ایکسپریس ټریبیون هم راپور ورکړی چې په بلوچستان کې د مېشتو غیر قانوني کډوالو د پېژندلو لپاره یوې ځانګړې څانګې ته دنده سپارل شوې ده. پاکستاني چارواکي وايي، چې تر اوسه د چمن له لارې څه باندې زر افغان کورنۍ افغانستان ته راستانه شوي دي.