پيښور کښي د بجلئ هيټرو او سټو په استعمال او خرڅولو باندي د بنديز لګولو فيصله شوي ده۔

باغی ټي وي رپورټ

د پيښور ډويژن کمشنر محمد زبير په مشرۍ کښې د بجلئ غلا مخنيوي په اړه غونډه اوشوه۔

غونډه کښې د پيښور ډويژن د پينځو ضلعو د پيسکو او ټيسکو چارواکو ګډون اوکړو۔

په غونډه كښې په پېښور ډويژن كښې د بجلۍ هيټرو او چولو په لګولو د بندېز لګولو فېصله وشوه۔

په غونډه كښې دا فيصله هم شوې چې د برېښنا د هيټرو، چولكو په جوړولو، خرڅولو او مصرف كولو به بنديز لګولې شي۔

د غونډې په مهال د پيښور ډويژن کمشنر محمد زبير اوويل چې د شپې په وختونو کښې د ډوډۍ پخولو لپاره درانه هيټرونه او د بجلۍ سټوونه استعماليږي او بجلي غلا کيږي۔

کمشنر اړونده چارواکو ته هدایات جاري کړل چې د شپې په وخت هم د بجلۍ چورانو په ضد کاروائي وکړي.