نگران وزيراعظم انوارالحق کاکړ وايي دبريښنا په مسله کې دغيرمنصفانه بجلۍ قراردادونو په اړه ائي پي پيز سره خبرې اترې روانې دي.

باغی ټی وی رپورټ

په اسلام اباد کې دبهرنيو ميډيا له استازو سره په خبرو کې نگران وزيراعظم وويل حکومت به دبريښنا بلونو په اړه مالي ادارو سره کړې ژمنې عملي کوي.

هغه وويل، چې د برېښنا د غيرعادلانه قراردادونو په اړه له IPPs سره خبرې روانې دي او هڅه کوي، چې ځينې امتيازات ترلاسه کړي، چې جزئيات يې تر اوسه نه دي په ډاګه شوي.

نگران وزيراعظم وئيلي دي چې د احتجاج کوونکو احساساتو ته زيان رسولو پرته به د ستونزې لنډمهاله حل پيدا کوي او د خلکو د راضي کولو لپاره به د حقيقت په بنياد فيصله کوي.

هغه زیاته کړه، دا د پارلمان واک دی چې د ټولو سکتورونو لپاره بودیجه تخصیص کړي، دوی په خپل چوکاټ کې اقتصادي او مالي چارې پرمخ وړي، د اساسي قانون له مخې په دولتي نظام کې لوی بدلون نه شي راوستلی، یوازې لنډ مهاله اصلاحات کولای شي. راتلونکې پریکړه به د منتخب حکومت لخوا کیږي.