د پیسو له نړیوال صندوق (IMF) سره د پاکستان د نوي پور پروګرام لپاره نور مهم شرایط را منځته شوي دي.
![](https://pashto.baaghitv.com/wp-content/uploads/2023/07/download-10.jpeg)
باغي ټي وي رپورټ
د سند له مخې، د مني لانډرنګ او د ترهګرۍ مالي تمویل په وړاندې د FATF د احکامو پلي کولو ژمنه شوې، د دې ترڅنګ د بدعنوانۍ مخنیوي لپاره د اثاثو اعلانولو بریښنایی سیسټم هم رامینځته شوی.
د آئي ایم ایف سند له مخې د ۱۷ نه تر ۲۲ درجې پورې افسران به بهرنۍ اثاثې نه پټولی شي، د بانکونو په ګډون قانون نافذونکي ادارې به اطلاعاتو ته لاسرسی ولري، په دې لړ کې به ټول بانکونه ایف بي آر ته د فیډبیک ورکولو پابند وي.
په سند کې راغلي چې په دې شرطونو کې دا هم شامل دي چې د خلکو د منتخب یا غیر انتخاب شوي استازو کلنۍ شتمنۍ اعلان شي، د څارنې مرکزي اداره به د دولتي ادارو د کړنو راپورونه خپروي.
د IMF په سند کې تر ټولو بې وزله خلکو ته د انفلاسیون سره سم مرستې چمتو کولو ژمنه هم شامله ده.
د IMF په وینا، د انرژۍ په برخه کې د بنسټیزو تعرفو زیاتوالی د جولای له لومړۍ نیټې څخه پلي شوی.
بل خوا پاکستان IMF ته ډاډ ورکړی چې د کورونو، ساختماني برخو کې نیمګړتیاوې به حل کړي، IMF هم ډاډ ورکړی چې د تبادلې د چټک نرخ بازار کې به هیڅ ډول مداخله یا بندیز نه لګوي.