د ریاست الوزراء سیاسي مرستیال د بامیانو له یو شمېر علماوو، قومي مخورو سره د دوی د ستونزو د حل په موخه کتلي.
د ریاست الوزراء سیاسي مرستیال د بامیانو له یو شمېر علماوو، قومي مخورو سره د دوی د ستونزو د حل په موخه کتلي.
26 جون دوشنبه 2023
د افغانستان اسلامي امارت د ریاست الوزراء له عمومي دفتر څخه په یوه تازه خپره شوې خبرپاڼه کې راغلي چې د یاد ریاست سیاسي مرستیال مولوي عبدالکبیر نن د بامیانو له یو شمېر علماوو، قومي مشرانو او مخورو سره په سپېدار ماڼۍ کې ولیدل.
په دې ليدنه کې يادو قومي مشرانو د اسلامي امارت پر راتګ خوښي څرګنده، خپل ملاتړ یې اعلان او د هر راز همکارۍ ډاډ یې ورکړ.
دوی زياته کړه، د اسلامي امارت په ټينګښت سره اداري او امنیتي چارې په چټکۍ سره پرمختګ کوي چې له امله يې د ولس او امارت ترمنځ واټن هم ختم شوی دی.
يادو مشرانو او مخورو، په بامیانو کې د پراختیايي چارو د ترسره کېدو او ځوانانو ته د کارموندنې غوښتنه هم وکړه.
د ریاست الوزراء سیاسي مرستیال مولوي عبدالکبیر وویل، اسلامي امارت کوښښ کوي په بېلابېلو برخو کې د ولس د ښېرازۍ او د هېواد د ابادۍ لپاره اساسي کارونه وکړي.
مولوي عبدالکبیر څرګنده کړه، کېدای شي په ځينو برخو کې به ستونزې وي، خو د اسلامي امارت مسؤولین د یوه خپلواک، سوکاله او پر ځان بسیا افغانستان لپاره نه ستړې کېدونکې هلې ځلې کوي.
اړوند موضوعات
د ریاست الوزراء سیاسي مرستیال او کفيل د خپلو خبرو په پای کې راغلو علماوو او مشرانو ته ډاډ ورکړ چې اړوند ادارو ته به د بامیانو د خلکو د ستونزو د حل په موخه لازمې سپارښتنې وکړي.
Leave a reply
