رزمایش نظامی روسیه در مرز تاجیکستان و افغانستان

تلویزیون باغی: پیمان امنیت جمعی به رهبری روسیه امروز بزرگترین رزمایش نظامی خود را در مرز تاجیکستان و افغانستان آغاز کرد.

به گفته وزارتخانه‌های دفاع روسیه و تاجیکستان، در این رزمایش بیش از ۵۰۰۰ سرباز که نیمی از آنها روسی هستند شرکت دارند.

این رزمایش‌ قرار است شش روز ادامه یابد و روسیه و متحدانش پیش از این هم در پی تسلط طالبان بر افغانستان در مناطق مرزیتاجیکستان و افغانستان تمرینات نظامی انجام داده‌اند.

روسیه نگران احتمال نفوذ شبه نظامیان اسلام‌گرا به جمهوری‌های شوروی سابق در آسیای مرکزی است.

مسکو که یک پایگاه بزرگ نظامی در تاجیکستان دارد، به دوشنبه اطمینان داده است که در صورت هرگونه خطر مرزی به آن کمک خواهدکرد.

گفتنی است که تاجیکستان برخلاف دیگر کشورهای آسیای مرکزی، تمایل به همکاری با دولت طالبان ندارد و مخالف شناسایی بین‌المللیآن است.

روابط طالبان و تاجیکستان اخیرا بخاطر اظهارات مقامات دو طرف دچار تنش شده که حتی گزارش شده بود هر جانب در مناطق مرزینیروی جا به جا کرده‌اند.

در همین حال منابع امنیتی در تاجیکستان گفته‌اند که گروه طالبان در دو هفته اخیر تجهیزات و موترهای نظامی جدید از جمله هاموی دراختیار جنگجویان اسلامگرا در مرز تاجیکستان گذاشته‌ است.

آنها افزود، طالبان همچنین جنگجویان اویغور را از منطقه مرزی افغانستان و چین دور کرده‌ است.

‏⁦