د سعودي عربستان لومړۍ عربي ښځینه ستورمزلي ریانا برناوي له فضا څخه د مسجد الحرام صحنې شریکې کړې.

باغی ټی وی رپورټ

د Axiom Space په نوم شرکت چې په امریکا پورې اړه لري په تیرو څو ورځو کې سعودي عربستان ته د ISS لپاره یو ماموریت لیږلی چې په ټولیزه توګه 4 کسان لري.

علي القرني، پیګي ویټسن او جان شوفنر د سعودي عربستان له ریانا برناوي سره په دې ماموریت کې برخه لري.

څیړونکې ریانا برناوي لومړنۍ عربي ښځه ده چې د دې ماموریت سره فضا ته سفر کوي، یو شخصي فضايي ماموریت چې یوه اونۍ به په نړیوال فضايي سټیشن کې تیر کړي.

د سعودي فضانورد ریانا برناوي پرون د ماموریت پرمهال له فضا څخه د مسجد الحرام ویډیو شریکه کړه.

په ټویټر کې د ریانا برناوي لخوا شریکه شوې ویډیو کې لیدل کیږي چې مسجد الحرام ظاهرا په تیاره کې روښانه کیږي چې له خلا څخه ځمکې ته لیدل کیږي.

سعودي فضانورد ریانا برناوي د ویډیو ترڅنګ لیکلي، “نن د خپلې تجربې له بشپړولو وروسته، موږ د مکې معظمې څخه تېر شو، کوم چې خورا روښانه دی.”

په ویډیو کې د ریانا برناوي هم اوریدل کیدی شي چې دا ټول روښانه دي، دا زموږ مسجد الحرام دی.

تر دې مخکې د متحده عربي اماراتو ستورمزلي سلطان ال نیادي له نړیوال فضايي سټیشن (ISS) څخه د سعودي عربستان د مسجد الحرام او مسجد نبوي یوه ویډیو شریکه کړې وه.