احتساب عدالت د القادر ټرسټ په اړه د 190 ملیون پاونډ سکیم کیس کښې د تحریک انصاف چیرمین عمران خان د میرمن بشرې بي بي د ضمانت درخواست منظور کړی دی.
باغی ټی وی رپورټ
بشرا بي بي د عمران خان سره د راولپنډۍ احتساب عدالت ته رسېدلې چرته چې د احتساب عدالت جج محمد بشير د ضمانت درخواست اورېدنه وکړه.
بشری بي بي د محکمې خونې ته راوستل شوه، وکیل خواجه حارث وویل چې بشرا بي بي ته هیڅ نوټس نه دی ترلاسه شوی.
د احتساب عدالت د بشری بي بي د پنځه لاکه روپو په ضمانت د ضمانت لپاره درخواست منظور کړی دی.
احتساب عدالت تحقیقاتي افسر ته نوټس جاري کړی دی، احتساب عدالت د بشری بي بي ضمانت تر ۳۱م مئی پورې منظور کړی دی.
احتساب عدالت بشری بي بي ته د کاغذونو جمع کولو لپاره د لاسلیک کولو هدایت کړی.
ياده دي وي چي نيب د عمران خان او بشرا بي بي خلاف د 190 ميليونه پاونډ سکیم پلټنه کوي۔
نیب په تیرو څو ورځو کې عمران خان هم په ورته مقدمه کې نیولی و، چې له هغې وروسته په هیواد کې پر پوځي تاسیساتو او ځایونو د اورلګیدنې او بریدونه وشول.
عمران خان او بشری بي بي به نن د جوډيشل کمپلکس نه پس د نيب راولپنډۍ دفتر ته ځي، عمران خان هم نن د ګرفتارۍ وېره څرګنده کړې ده.
دسرچينو له مخې نيب پخواني وزيراعظم عمران خان ته نن په پلټنو کې دګډون لپاره نوټس ليږلى ؤ خو بشرا بي بي ته نن حاضريدو نوټس نۀ دى ورکړل شوى.
د نیب دفتر بهر امنیت سخت کړی شوی دی
په راولپنډۍ کې د پخواني وزیراعظم عمران خان د پیشي په موقع د نیب دفتر بهر د سخت امنیتي انتظامات شوي وو.
د نیب نه بهر پولیس، رینجر، ایف سی او لیډیز پولیس پشمول ایلیټ هم تعینات کړی شوی دی.
په میلوډي کښې د نیب دفتر سره نزدې سړکونه پولیس سیل کړي دي، میلوډي نه تر لال مسجد پورې لویه لار د خاردار تارونو او بلاکونو په لګولو سره سیل کړې شوې ده او د امنیت په نظر کښې سره نزدې کوڅې او سړکونه هم سیل کړې شوي دي. د نېب دفتر ته څېرمه د غیرمجاز اشخاصو د ننوتو منع اعلان شوی دی.
په راولپنډۍ کې د نیب دفتر بهر زغره وال او د زندانیانو وین هم ورکړل شول.
Leave a reply
