د افریقايي هیواد کانګو په جنوبي ولایت کیو کې له تیرې اونۍ راهیسې د بارانونو، سیلابونو او ځمکې ښویدنې له امله لږ تر لږه ۴۰۰ کسان وژل شوي دي

باغی ټی وی رپورټ

د بهرنیو رسنیو د راپورونو له مخې، د صوبې والي د دوشنبې په ورځ وویل چې د تیرې اونۍ د سختو بارانونو له امله په سیندونو کې د ځمکې ښویدنې او خټو ښویدو له امله یو شمیر کورونه زیانمن شوي او د جنوبي کیوو په کلاه سیمه کې څو کلي ویجاړ شوي دي.

هغه وويل چې تر اوسه د بارانونو او سيلابونو له امله ٤٠١ تنه مړه شوي دي.

د چارواکو په وینا د سختو بارانونو له امله د خټو سړکونو په پاکولو کې د ژغورنې عمله ناکامه شوې، چې له امله یې اوسیدونکي له سختو ستونزو سره مخ دي، د ژغورنې عملیات روان دي.

راپورونه وايي چې صوبايي حکومت ویلي چې د سیلاب ځپلو اوسیدونکو خوندي ځایونو ته لیږدول کیږي پداسې حال کې چې حکومت د مړو لپاره د جنازې لګښتونو په شمول ژوبلو ته طبي مرستې هم ورکوي.

د حکومت ویاند پاټریک مویا وویل چې ولسمشر د دوشنبې په ورځ په هیواد کې د سیلابونو له امله ملي ماتم اعلان کړ.

د راپورونو له مخې د تېر کال په ډسمبر میاشت کې د کانګو په پلازمېنه کنشاسا کې د سختو بارانونو له امله د سېلابونو له امله تر ۱۲۰ ډېر کسان وژل شوي وو.