اسلام اباد: د تحریک انصاف مشر عمران خان هند ته د بهرنیو چارو د وزیر بلاول بوټو د سفر مخالفت کړی دی

باغی ټی وی رپورټ

د تحريک انصاف چيئرمېن عمران خان د سختو امنيتي انتظاماتو سره اسلام اباد هائي کورټ ته وړاندې شو.

محکمې ته له حاضرېدو وروسته عمران خان له خبريالانو سره غير رسمي خبرې وکړې او د بلاول بوټو هند ته يې د سفر په اړه پوښتنې وکړې، چې په اړه يې پخواني لومړي وزير هند ته د بهرنيو چارو وزير د سفر مخالفت وکړ او ويې ويل چې کشمير د ده لپاره مسله نه ده.

هغه وويل د لاهور هاي کورټ ٥ کسيز بينچ د هغه نوم ياد کړى، چې ژوند ته يې خطر دى.

د پي ټي آئي چيئرمېن وويل چې جنرل باجوه په څو بريفنګونو کښې وئيلي وو چې په ټانکونو کښې تېل نشته، زه حيران شوم چې دا څه ډول آرمي چيف دي چې دا خبرې کوي.

خبريال پوښتنه وکړه چې د جسټس قاضي فائز خلاف ريفرنس په سپريم کورټ کې نه ويشل شوی؟ په دې اړه عمران خان وويل چې د قاضي فيض عيسى په ضد به ريفرنس له کومه راغلي وي؟ د هغه خلاف ريفرنس هم له پورته څخه د فيض حميد له خوا راغلى و، موږ ته ويل شوي وو چې نواز شريف شتمني ختمه کړه، ما پخپله هم د لندن د فليټ ځواب ورکړ، وروسته پوه شو چې په ذهن کې بل څه دي.

هغه زیاته کړه، چې په کرکټ کې مې ۱۷۰ منډې کړې وې، ډبل سینچري مې نه وه کړې خو کیسونه مې په چټکۍ سره مخ په زیاتېدو دي، زما پر ضد د ډبل سینچري کیسونه به ډېر ژر بشپړ شي. عمران خان وويل، اسټيبلشمنټ وايي چې له طالبانو سره د مذاکراتو په اړه ستاسو د حکومت پاليسي غلطه وه، افغان حکومت سره د ټي ټي پي د غړو د بېرته لېږلو په اړه خبرې روانې وې، په داسې حال کې چې مذاکرات روان وو، زموږ حکومت ته ويل شوي وو. کله چې طالبان بیرته راځي، موږ هم وخت په وخت ویلي چې طالبان بیا راځي.