د ا.ا.ا پلاوی د متقي پۀ مشرۍ ترکیې ته تللی دی 

د ا.ا.ا پلاوی د متقي پۀ مشرۍ ترکیې ته تللی دی 

د افغانستان د بهرنیو چارو وزارت خبر ورکړئ چې د سرپرست وزیر امیرخان متقي په مشرۍ افغان پلاوی له دوحې څخه د انقرې په لور خوځیدلی دی.

(2021 / 10 / 14  نېټه باغي ټلویزیون)

بشپړ راپور

د افغانستان د بهرنیو چارو وزارت خبر ورکړئ چې د سرپرست وزیر امیرخان متقي په مشرۍ افغان پلاوی له دوحې څخه د انقرې په لور خوځیدلی دی.

دغه پلاوی د ترکیې د بهرنیو چارو د وزیر داود اوغلو په رسمي بلنه تللی او د سفر اصلي موخه پر دوه اړخیزو اړیکو خبرې ښودل شوې دي.

ویل کېږي دغه پلاوی به له ترکي لوري سره د افغانستان پۀ اوسني وضعت، دایمي ثبات او بشردوستانه مرستو خبرې وکړي.

تر دې وړاندې د ا.ا.ا ترکیې ته وړاندیز کړی ؤ چې د کابل هوايي ډګر د سمبالښت چارې پر غاړه واخلي؛ که څه هم پۀ سر کې ترکیې منلې وه  خو وروسته د ترکیې ولسمشر رجب طیب اردغان وویل چې تر څو طالبان ټولشموله حکومت جوړ نکړي او د بشر او ښځو حقوقو ته درناوی ونکړي د کابل هوايي  ډګر چارې به پر غاړه وانخلي.

د یادونې ده چې د ا.ا.ا تر واکمنېدو د ا.ا.ا د استازو دا لومړی رسمي سفر دی چې د یو هېواد پۀ رسمي بلنه ئې ترسره کوي.