جان بولټن وايي چې موږ افغانستان پرېښود خو موږ به پرې نه ږدي

جان بولټن وايي چې موږ افغانستان پرېښود خو موږ به پرې نه ږدي

هغه خبرداری ورکړی چې ښایي په افغانستان کې د ترهګرو ډلو فعالیت زیات شي او سیمې ته ګواښ جوړ کړي. بولټن د امریکا د ملي امنیت داسې سلاکار و، چې تل یې حکومتونو ته د جګړو مشوره ورکوله، په افغانستان کې د جګړې د دوام او له ایران سره د نوې جګړې د پيلولو ملاتړی هم و.

(2021 / 10 / 11  نېټه باغي ټلویزیون)

بشپړ راپور

پخواني امریکایي چارواکي وایي اوسنی امریکایي حکومت باید د افغانستان په اړه اندېښنه ولري.

د مخکيني ولسمشر ډونالډ ټرمپ د ملي امنیت سلاکار جان بولټن دې هېل نشریه ته په یوه لیکلې مقاله کې له افغانستان وتل ناکامه پرېکړه او د وتلو بڼه له شرمه ډکه بللې ده.

هغه په دې مقاله کې د بایډن پر حکومت او د تېرو ولسمشرانو پر اداره هم نیوکه کړې چې د افغانستان په اړه یې واضح دریځ نه درلود او د میلیاردونو ډالرو لګښت تر څنګ یې سلګونه کسانو ته مرګ ژوبله واړوله.

هغه زیاته کړې چې موږ افغانستان پرېښود خو افغانستان به امریکا او د دوی متحدین پرې نه ږدي.

هغه خبرداری ورکړی چې ښایي په افغانستان کې د ترهګرو ډلو فعالیت زیات شي او سیمې ته ګواښ جوړ کړي. بولټن د امریکا د ملي امنیت داسې سلاکار و، چې تل یې حکومتونو ته د جګړو مشوره ورکوله، په افغانستان کې د جګړې د دوام او له ایران سره د نوې جګړې د پيلولو ملاتړی هم و.

تر بولټن وړاندې د امریکا پخواني ولسمشر ډونالډ ټرمپ هم د بایډن له افغانستان څخه د وتلو پر ماموریت سختې نیوکې کړې وې او ویلي ئې ؤ چې بايډن د مدیریت وړتیا نلري او باید لۀ دندې ګوښه کړل شي.