پکتیکا او کابل کې نیږدې ۳۰۰ یتیمانو، معلولینو او کونډو سره نغدي کومک ترسره شو.

پکتیکا او کابل کې نیږدې ۳۰۰ یتیمانو، معلولینو او کونډو سره نغدي کومک ترسره شو.

27 نومبر 2022

د افغانستان اسلامي امارت د شهداؤ او معلولینو چارو وزارت له لورې په دوه بیلابیلو خبرپاڼو کې راغلي چې د یاد وزارت په همغږۍ کابل او پکتیکا کې د کونډو، یتیمانو او معلولینو سره نغدي کومک ترسره شو.

خبر زیاتوي چې پکتیکا ولایت کې د یوې مؤسسې په همکارۍ د یاد ولایت د شهداؤ او معلولینو چارو ریاست په همغږۍ د ۱۵۳ کورنیو سره نغدي مرستې ترسره شوې.

په دغه نغدي مرسته کې د هر یتیم لپاره ۸۰۰۰ او د هرې کونډې لپاره ۹۰۰۰ او همدارنګه د هر معلول لپاره هم ۹۰۰۰ افغانۍ ورکول شوې.

همدا راز د شهیدانو او معلولینو چارو په وزارت کې پر یو سل او شل د یتیمانو په کورنېو باندې نغدي مرستې وویشل شوې.

یادې مرستې د دوو تنو تجارانو لخوا چې نه یې غوښتل نومونه یې واخیستل شي، د شهیدانو او معلولینو چارو وزارت په همغږۍ هرې یتیمۍ کورنۍ ته (۷۳۰۰) افغانۍ نغدي مرستې وویشلې.

اړوند موضوعات

شهداء او معلولینو وزارت: پکتیا ولایت کې د ۴۰۰ اړمنو کورنیو سره خوراکي توکو مرسته وشوه.

د یادونې وړ ده چې د مرستو د ویش پر مهال د شهیدانو او معلولینو چارو وزارت د ټولنیزو خدمتونو رئیس ښاغلي مولوي ثناء الله فرقاني هم ګډون درلود.

حماد