آیی ایس پي آر په یو بیان کښې د وتلي ژورنالسټ ارشد شریف په مړینه د غم څرګندونه کړې ده

باغی ټي وي رپورټ
آئي ايس پي آر د سينئر صحافي ارشد شريف په مړينه خواشيني څرګنده کړې ده۔

د پاکستان د پوځ د عامه اړيکو څانګې (ISPR) له خوا په يوه خپره شوې خبرپاڼه کې ويل شوي، چې په کينيا کې د سينير خبريال ارشد شريف پر ناڅاپه مړينه ژوره خواشيني ده، الله دې د ارشد شريف درجات لوړ کړي.

د آئي ايس پي آر لخوا جاري شوي بيان کښې وئيلي شوي دي چې الله دې د غم په دې وخت کښې د ارشد شريف کورنۍ غړو ته د زړه صبر ورکړي۔

دا خبره د یادونې ده چې مشهور خبریال او اینکر پرسن ارشد شریف په کینیا کې وژل شوی دی.د ارشد شریف مړینه د کورنۍ سرچینو او همکارانو تایید کړې، خو د پېښې نور جزیات سمدلاسه نه دي په ډاګه شوي.

سرچینه زیاتوي، چې پېښه د کینیا د سیمه ییزو پولیسو له خوا څېړل کېږي.

دسرچينو له مخې ارشد شريف څو ورځې وړاندې له دوبۍ څخه لندن ته تللى و او بيا له هغه ځايه کينيا ته تللى و. د ارشد شریف مېرمن جویره صدیقه وايي، د پولیسو په وینا ارشد په کینیا کې په ډزو وژل شوی دی.

I lost friend, husband and my favourite journalist @arsched today, as per police he was shot in Kenya.
Respect our privacy and in the name of breaking pls don't share our family pics, personal details and his last pictures from hospital.
Remember us in ur prayers. pic.twitter.com/wP1BJxqP5e

— Javeria Siddique (@javerias) October 24, 2022

د وژل شوي ارشد شریف میرمن په ټویټ کښې لیکلي چې ما یو ملګری، خاوند او زما د خوښې خبریال له لاسه ورکړ.

هغه وایی چې نن، د پولیسو په وینا، هغه په کینیا کې وویشتل شو.
د وژل شوی ارشد شریف میرمن وایی چې زمونږ محرمیت ته درناوی وکړئ او زمونږ د کورنۍ عکسونه ، شخصي توضیحات او د روغتون وروستي عکسونه په سوشل میډیا مه شریکوئ او په خپلو دعاګانو کې مو یاد ساتئ.
……………………