ننګرهار کې چاودنې درې کسه وژلي

0
120

ننګرهار کې چاودنې درې کسه وژلي دي

ننګرهار ولایت کې نن سهار څلور پرلپسې چاودنې وشوې چې درې کسع یې وژلي او نولس نور یې ټپیان کړي دي.

 

(2021 / 9 / 18 نېټه باغي ټلویزیون)

ننګرهار ولایت کې نن سهار څلور پرلپسې چاودنې وشوې چې درې کسع یې وژلي او نولس نور یې ټپیان کړي دي.

دغه چاودنې چې نن سهار د جلال آباد ښار کې رامنځته شوې عیني شاهدان وايي چې یادو چاودنو مرګ ژوبله هم درلوده او د دوی په وینا چې دا د نښلول شوي ماین له امله رامنځته شوي دي.

د یاد ولایت امنیتي مسؤلینو په دې اړه تر اوسه څه ندي ويلي؛ خو روغتیايي کارکوونکو رسنیو سره په خبرو کې ویلي چې دوی ته نولس ټپیان او د دوه جسدونه وروړل شوي دي.

تر اوسه د برید مسؤلیت چا ندی متلی؛ خو تر دې وړاندې داعش ډلې ویلي ؤ چې دوی به د بهرنیو ځواکونو تر وتلو وروسته په طالبانو حملې کوي.

امریکا هم څه موده وړاندې ویلي ؤ چې لا هم افغانستان کې د داعش ډلې د پیاوړي کېدو خطر شته؛ خو که طالبان وغواړي دوی به ورسره د داعش په ځپلو کې مرسته وکړي.

طالبانو بیا د امریکا دا خبرې بې بنسټه ګڼلي او ویلي یې دي چې لومړی خو داعش په افغانستان کې شته نه، او که وي هم دوی یې د ځپلو پوره توان لري.

Leave a reply