۳۰۰ خانواده را در ولسوالی گیزاب این ولایت، مجبور به کوچ اجباری کرده‌اند

تلویزیون باغی: شماری از باشنده‌گان ولایت دایکندی ادعا کرده‌اند که فرماندهان منسوب به طالبان ۳۰۰ خانواده را در ولسوالی گیزاب این ولایت، مجبور به کوچ اجباری کرده‌اند.

یک نوار تصویری از مردم ولسوالی گیزاب ولایت دایکندی که روز دوشنبه، بیست‌ودوم سنبله، نشر شد، نشان می‌دهد که باشنده‌گان روستاهای «نوآباد» و «بالاسر تگاب‌دار» این ولسوالی در به ضرب‌الاجل طالبان برای کوچ اجباری ۳۰۰ خانواده از این روستاها، اعتراض کرده‌اند.

به گفته باشنده‌گان این روستاها، این خانواده‌ها از جانب افرادی به نام‌هایی «جمهورخان» و «ظاهرخان تیموری» «اخطار» دریافت کرده‌اند که طی نُه روز خانه‌ها و زمین‌های‌شان را رها و به جایی دیگر کوچ کنند.