پاکستان په سفارتي اړیکو کې بریالۍ شوې او ډیر پرمختګ ی کړې دې: شاه محمود قریشي

باغي ټي وي رپورټ
د بهرنیو چارو وزیر شاه محمود قریشي وايي، پاکستان د تېر کال په اوږدو کې په دوه اړخیزو او څو اړخیزو برخو کې په فعاله توګه او په دوامداره توګه خپلو سفارتي اهدافو ته وده ورکړې ده.
هغه د دوشنبې په ورځ په اسلام اباد کې یوې خبري غونډې ته د بهرنیو چارو د وزارت د کال پای کتنه وړاندې کړه.
وزیرخارجه اوویل چې مونږ د سیمې په کچه د لوی قدرت لرونکې هیوادونو او نورو او کلیدي شریکانو سره دوه اړخیزې اړیکې لا پیاوړې کړي دي.
ده ووئيل مونږ د جمو او كشمير د لانجې او د افغانستان د حالاتو په شمول د بهرنۍ پالېسۍ د مهمو مسلو په اړه په برياليتوب او موثره توګه خپل نظر او بيان وړاندې كړو۔
شاه محمود قریشي ۲۰۲۱ کال مهم وباله او ویې ویل چې په افغانستان کې د سولې لپاره د پاکستان رول، له جیوپولیټیک څخه جیو اکنامکس ته د تګ راتګ، د مرکزي اسیا ویژن، افریقه کې ښکیلتیا، عامه ډیپلوماسۍ او ډیجیټل ډیپلوماسۍ په ګډون څو مهم پرمختګونه او نوښتونه د پاکستان د بهرنۍ تګلارې په لومړیتوبونو کې مرسته کړې ده.
وزير ووئيل تير كال مونږ د پنځوسو هېوادونو سره 85 دوه اړخيزه تبادلې كړې۔ پاکستان ته د لوړ پوړو چارواکو 35 سفرونه، د پاکستان لخوا د 32 لوړ پوړو مشرتابه سفرونه، له 50 څخه زیات د لوړ پوړو څو اړخیزو مصروفیتونو، 25 د بهرنیو چارو وزیرانو په کچه د عامه ډیپلوماسۍ ښکیلتیا او 20 د اقتصادي ډیپلوماسۍ ښکیلتیا شتون لري. ده ووئيل د پاكستان پنځه وړاندې کړې شوي قراردادونه د ملګرو ملتونو لخوا منظور كړې شوي دي چې دا یوه لویه لاس ته راوړنه ده.