کورنیو چارو وزارت تائیدوي چې تېره ورځ یې کابل ښار کې یو ځوان تلاشۍ ته د نۀ ودرېدو پۀ صورت کې ویشتلی دی
کورنیو چارو وزارت تائیدوي چې تېره ورځ یې کابل ښار کې یو ځوان تلاشۍ ته د نۀ ودرېدو پۀ صورت کې ویشتلی دی
د دغه وزارت وياند سعيد خوستي د غويي په ٢٠مه، رسنیو ته وويل، چې دا پېښه تېره شپه د کابل ښار د دويمې امنيتي حوزې اړوند د قوای مرکز په سيمه کې رامنځته شوې ده.
(2021 / 12 / 12 نېټه باغي ټلویزیون)
- بشپړ راپور
د کورنیو چارو وزارت تاییدوي چې په کابل کې د وسله والو طالبانو په ډزو کې یو ځوان وژل شوی دی.
د دغه وزارت وياند سعيد خوستي د غويي په ٢٠مه، رسنیو ته وويل، چې دا پېښه تېره شپه د کابل ښار د دويمې امنيتي حوزې اړوند د قوای مرکز په سيمه کې رامنځته شوې ده.
هغه زياته کړه، چې دغه ځوان له ننګرهار څخه کابل ته په يوه واده کې د ګډون لپاره راغلى و.
د خوستي په وينا، وژل شوى کس فيصل نومېده او لۀ تلاشۍ نه د تېرېدو هڅه يې کوله، چې د طالبانو له خوا پرې ډزې وشوې.
د طالبانو په مشرۍ د کورنیو چارو وزارت یوه ویاند ویلي، چې دا پېښه قصدي نه وه، بلکې د ناسم پوهاوي له امله رامنځته شوې.
سعيد خوستي وويل، چې د پېښې په تړاو دوه طالبان نيول شوي او دوسيې يې محکمې ته وړاندې شوې دي.
دا په تېرو ۲۴ ساعتونو کې په هېواد کې د ډزو دویمه پېښه ده. تېره شپه وسله والو طالبانو په کندهار ښار کې د ملکي وګړو پر موټر ډزې کړي چې له امله يې دوه تنه وژل شوي او درې نور ټپيان دي.
Leave a reply
