امارت اسلامی به مرز «کِلِفت» جوزجان نیرو اعزام کردند

تلویزیون باغی: مقام‌های محلی طالبان در جوزجان برای حفاظت از گذرگاه مرزی «کِلُفت» این ولایت، نیرو اعزام کرده‌اند. قرار است این گذرگاه پس از چند دهه دوباره فعال شود.

ملا جوره، فرمانده نیروهای سرحدی در ولسوالی قرقین جوزجان گفته‌است که «امارت اسلامی» برای حفاظت از مرز کلفت، نیروهای تازه‌نفس را توظیف کرده‌است.

پیش از این نیز مقام‌های جوزجان از آغاز دوباره فعالیت مرز کلفت خبر داده‌بودند.

این گذرگاه مرزی در دوره‌ قبلی حکومت گروه طالبان از فعالیت بازماند.

گذرگاه کلفت پس از مرز تورغندی در هرات و آقینه در فاریاب سومین گذرگاه بزرگ مرزی افغانستان با ترکمنستان به‌ شمار می‌رود.

طالبان نیروهای انتحاری شان را به ولایات هم‌مرزی تاجیکستان فرستادند

طالبان پیش از این نیز از مستقرشدن شاخه کندک نظامی «استشهادی» خود در ولایت قندوز در مرز تاجیکستان خبر داده بودند.

به تازگی مقام‌های روسیه از افزایش تنش میان طالبان و تاجیکستان ابراز نگرانی کرده اند و می‌گویند کابل و دوشنبه باید برای حل تنش‌ها در مرز تاجیکستان و افغانستان راه‌حل قابل قبول را جستجو کنند.

طالبان به اظهارات امام‌علی رحمان؛ رییس جمهوری تاجیکستان که خواستار دولت فراگیر در افغانستان شده بود، واکنش تند نشان دادند.

ملا عبدالغنی برادر؛ معاون اول رییس دولت طالبان گفته‌است، تاجیکستان در امور داخلی افغانستان مداخله می‌کند. او هشدار داده که هر اقدامی واکنش نیز خواهد داشت.