نن ماښام د ا.ا.ا رئیس الوزرا ولس ته وینا کوي 

نن ماښام د ا.ا.ا رئیس الوزرا ولس ته وینا کوي 

د ملا محمد حسن آخوند چوپتیا تر دې مخکې د ټولنیزو رسنیو د کاروونکو له غبرګون سره مخ شوې وه.

تېره ورځ په ټولنیزو رسنیو کې هغه ته منصوب غږیز پيغام خپور شو چې د وروستیو وژنو په اړه و.

(2021 / 11 /.27  نېټه باغي ټلویزیون)

بشپړ راپور 

ملي تلویزیون وایي چې په نږدې راتلونکي کې د طالبانو د چارسمبالي حکومت د رییس الوزرا، ملا محمد حسن آخوند بیانیه خپروي.

که څه هم د طالبانو له واکمنېدو درې میاشتې تېرېږي، خو د طالبانو د چارسمبالي حکومت د رییس الوزرا غږ تراوسه نه دی اورېدل شوی.

د ملا محمد حسن آخوند چوپتیا تر دې مخکې د ټولنیزو رسنیو د کاروونکو له غبرګون سره مخ شوې وه.

تېره ورځ په ټولنیزو رسنیو کې هغه ته منصوب غږیز پيغام خپور شو چې د وروستیو وژنو په اړه و.

په همدې حال کې، طالبانو په رسمي توګه ددغه غږیز پیغام سموالی نه دی تایید کړی.

ملا حسن آخوند د روان کال د وږي میاشتې په شپاړسمه نېټه د طالبانو د چارسمبالي حکومت د رییس الوزرا په توګه وټاکل شو.

هغه تراوسه د نورو هېوادونو له لوړپوړو چارواکو سره په ناستو کې ګډون او خبرې اترې کړې دي.