په قبایلي سیمه کښې د دو پولیسو وژنه، داعش ډلې ذمه واري قبوله کړه

باغی ټي وي رپورټ
په قبایلي سیمه باجوړ کښې د راغګان بند په امینیت مقرر د دو پولیسو د وژنې ذمه واري داعش ډلې په خپله ذمه اخستې ده.
په ورځپانړه مشرق کښې د چاپ یو رپورټ مطابق داعش په باجوړ کې د راغګان ډیم سره نزدې د پولیس اهلکارو په نښه کولو مسولیت منلی دې، په دې پيښه کښې دوه پولیس اهلکار وژل شوي وو.
د عرب نیوز د راپور له مخې، وسله والې ډلې په ټیلیګرام کې د برید مسوولیت منلی او ویلي یې دي چې په برید کې یو پولیس افسر او یو بل پولیس اهلکار وژل شوي دي.
د مشرق نیوز رپورټ مطابق د باجوړ ضلعې د پولیسو مشر عبدالصمد خان د شنبې په ورځ خبریالانو ته وویل چې دغه افسران د یو ماین بم په چاودنه کښې شهید شوي وو.
د یادونې ده چې پرون په باجوړ کښې د راغګان بند په سیکوریټي مقرر یو پولیس اهلکار عبدالحیان او سیراج په دې برید کښې وژل شوي وو چې بیا ورسته په خپلو سیمو کښې خاورو ته وسپارل شول.