د پاکستان څخه په خپله خوښه زیات شمیر کورنې واپس افغانستان ته تللي دي
![](https://pashto.baaghitv.com/wp-content/uploads/2023/10/WhatsApp-Image-2023-10-05-at-12.05.35-PM-586x613.jpeg)
باغي ټي وی رپورټ
د تورخم سرحدي سرچینې وايي، په تېرو دوو ورځو کې د پاکستان په بېلابېلو سیمو کې د مېشتو افغانانو تر ۳۰ ډېرې کورنۍ شاملې دي، په خپله خوښه د تورخم له لارې افغانستان ته واپس شوي دي او خپلو کورونو ته رسیدلي دي.
د تورخم له لارې افغانانو په خپله خوښه خپل هېواد افغانستان ته ستنېدل پیل کړي دي.
ياده دې وي چې تيره ورځ په اسلام اباد کې وفاقي حکومت د اپیکس کميټۍ په غونډه کې فيصله کړې وه چې په پاکستان کې په غير قانوني توګه ميشت افغان اتباعو او نورو بهرنيو اتباعو ته د اکتوبر تر ۳۱مې نېټې پورې له پاکستانه د وتلو مهلت ورکړی شوی دی او دې نیټې پس به هیڅ کوم د بهرني هیواد وګړی ته اجازه ور نه کړل شي چې په ناقانونه توګه په پاکستان کښې وخت تیر کړي .